Lideri i La Ligas ka vazhduar si i pamposhtur këtë sezon në kampionatin spanjoll edhe në ndeshjen pasditen e së shtunës.
Superylli Luis Suarez ka gjetur formën duke shënuar dy herë në fitoren 0 me 3 të Barcelonës ndaj Leganes në ndeshjen e zhvilluar në kuadër të xhiros së 12-të, shkruan portali arbresh.info.
Goli i epërsisë nga Suarez në stadiumin Municipal de Butarque erdhi në minutën 28′ të ndeshjes. Reprezentuesi uruguaian shënoi me lehtësi nga afërsia.
Goli i dytë nga 30-vjeçari ishte i mrekullueshëm. Pas disa përpjekjeve të vazhdueshme nga “Blaugranët”, Suarez me një goditje të fuqishme arriti të mposhtë sërish portierin Ivan Cuellar (60′).
Gjiganti katalunas shënoi golin e tretë dhe të fundit në këtë takim përmes Paulinhos.
Barcelona tani ka 34 pikë në krye të tabelës, shtatë më shumë se Valencia në pozitën e dytë, ndërsa Leganes qëndron në pozitën e nëntë me 17 pikë./arbresh.info/
Tiranë: 62-vjeçari vdes në rrugë
Llapi transferon Gentrit Limanin
Caktohet seanca e shqyrtimit fillestar për sulmin terrorist ...
Për tri ditë rruga Prizren-Prevallë do të mbyllet për qarkul...
Ancelotti tregon hapur se ku qëndron problemi për fillimin e...
Miratohet logoja e Kuvendit të Kosovës